"LIBERTARIAN SUMMER SESSION"

Либертари зуны сургалт

Эрх чөлөөнд суралцаагүй хүн өөрөө
эрх чөлөөнийхөө дайсан нь байдаг.

Монголын Либертари сан, Нээлттэй Академиас хамтран жил бүр уламжлал болгон зохион байгуулдаг "Либертари зуны сургалт" дөрөв дэх жилдээ "Ёл хад" амралтанд болох гэж байна.

Хүмүүс бид төрөл садан, нутаг нуга, ярьдаг хэлнээсээ гадна үнэт зүйл, эрхэмлэх зарчим, нийгэмд хандах хандлагаараа ойлголцож, нэгдэж чаддаг билээ. Та зах зээл, ардчилал, иргэний нийгмийн үзэл санааг эргэцүүлж, чөлөөт нийгмийн үндсэн зарчимуудтай танилцан, эрх чөлөөнд суралцсан таван өдрийг Либертари үзэл санаатай хамт өнгөрүүлэхийг хүсвэл бидэнтэй нэгдээрэй.

Сургалт дунд сургуулийн ахлах ангийн сурагчдад зориулагдсан болон залуучуудад зориулагдсан хөтөлбөрөөр хоёр ээлжээр зохион байгуулагдана. Ахлах ангийн сурагчдын сургалт 2009.07.27 – 2009.07.31 хооронд, залуучуудын сургалт 2009.08.03 – 2009.08.07 хооронд явагдана. Нээлттэй академи болон Либертари сангийн багш нар сургалтыг хөтлөн явуулна.

Сургалтын нэг хүнд ногдох зардал 175 000 төгрөг. Гэхдээ та 60 000 төгрөгтэй, сургалтад суух хүсэлтэй, тэгээд мэдээж эхний 20 хүн дотор багтаад бидэнтэй холбогдвол сургалтад хамрагдах боломжтой. Учир нь бид сургалтын зөрүү зардлыг тань Либертари сангаас орчуулан гаргадаг номнуудын борлуултын ашгаас гаргах болно.

Энэ завшааныг ашиглан Либертари сангаас эрхлэн хэвлүүлсэн номыг худалдан авсан хүн бүхэнд талархая!

Либертари зуны сургалтын талаархи дэлгэрэнгүй мэдээллийг
9902-2416, 9963-6187, 9964-5398 утаснаас авна уу!

Харьж яваа цагийн хүн ирж яваа цагийн дууг дуулдаггүй

-Өршөөлийн хуулийн шинэ төслийг хамрах хүрээг нь тэлж хавтгайруулсан маягтай болгочихжээ гэсэн шүүмжлэл их байгаа. Ямар шаардлагаар тэгсэн юм бол, үүнээс болж цаг хугацаа ч гэсэн алдах юм биш үү. Долдугаар сарын 1-ний үйл явдлаас хойш бүтэн жил өнгөрчихлөө шүү дээ?
-Хуулийн техник гэж юм бий. Хуулийг хэнд зориулж гаргах вэ, үйлчлэл нь ямар байх вэ гээд хуулийг өөрийг нь бичдэг дүрэм байхгүй юу. Энэ дүрмээр бол долдугаар сарын 1-ний үйл явдалд зориулж тусгайлан хууль гаргаж болохгүй. Хууль гэдэг олонхид зориулагдах ёстой болохоос биш тухайн нэг тохиолдол, тухайн хэсэг хүмүүст зориулагдах ёсгүй. Хэрвээ тэгэх юм бол хууль шүүхийн өмнө хүн бүр тэгш гэдэг зарчим маань өөрөө алдагдана. Тийм учраас долдугаар сарын 1-нд зориулж Өршөөлийн хууль гаргахыг Засгийн газар, Хууль зүй, дотоод хэргийн яам эсэргүүцсээр ирсэн.

цааш унших...

Зарим нэг азарган тахиа өөрсдийгөө донгодохоор НАРЫГ МАНДАЖ БАЙНА ГЭЖ БОДДОГ...

Утсанд маань гомдоллож, үг хаясан найзуудын минь мэссэж олон иржээ. Ажил ихтэй байгаад тэгсэн үү, анзаарсангүй. Нээрээ найзуудтайгаа элдэв сонин ярьж, цуг суугаагүй удсан байна шүү. Тэгээд ойрмогхон тэдэнтэйгээ уулзаж, энэ тэндэхийн сонин хачинг ярьж суутал нэг найз маань биднийг хөгжөөн хошигнолтойгоор нэгэн зүйл өгүүлсэн нь надад нэгийг бодогдуулав.

Найзын минь ярьсан хошигнол "бурханы сургаалийг монголд лам нар хэрхэн авч ирсэн тухай". Түүний энэ яриа эхэндээ хөгжилтэй байсан авч эцэстээ надад жаахан эмгэнэлтэй санагдаж, гуниг төрүүлсэн юм.

цааш унших...

  © Blogger template Coozie by Ourblogtemplates.com 2008

Back to TOP